Russiese Rewolusie (1917)

Russiese Rewolusie (1917)
Deel van die Eerste Wêreldoorlog
Die kruiser Aurora, wat die begin van die Oktober-rewolusie met ’n kanonskoot aangekondig het; die Aurora lê tans in Sint Petersburg voor anker.
Datum 8 Maart – 8 November 1917 Ligging Rusland Resultaat Oorwinning deur die Bolsjewiste Abdikasie Nikolaas II Einde van die Russiese Ryk Einde van die Voorlopige regering Stigting van die RSFS Begin van die Russiese Burgeroorlog
Strydende partye
Keiserlike Regering Voorlopige regering	Petrograd-sowjet Bolsjewiste
Aanvoerders
Nikolaas IIa Georgi Lwof Alexander Kerensky	Wladimir Lenin Leon Trotsky Lew Kamenef
Sterkte
Russiese weermag: Onbekend	Rooi Leër: 200 000
a. tot 15 Maart 1917.

Die Russiese Rewolusie van 1917 het die Russiese keiserryk tot 'n val gebring. 'n Voorlopige regering wat gevorm is ná die abdikasie van tsaar Nikolaas II was ondoeltreffend en ongewild en hul mag is uiteindelik deur die Bolsjewiste oorgeneem. Die rewolusie is gevolg deur die Russiese Burgeroorlog (1917 tot 1922) tussen die Rooi Leër van die Bolsjewiste en rewolusionêre en die Wit Leër van die monargiste, konserwatiewe en gematigde sosialiste wat teen die drastiese hervormings van die Bolsjewiste was. Ná die burgeroorlog het die Sowjetunie in 1922 tot stand gekom.